مين الجاني
خالد المنصوري مصر
مين فينا كان الجاني
ومين منا اتجني عليه
عاش عمره كله أناني
بيبيع ويتشتري فيه
مين منا عاش مخدوع
وبيلعب دور المظلوم
راح هيبكي دم بدل الدموع
عشان ظلم حـبـيـبه يوم
الغدر والخيانة أصل طبعك
ظــلـم وإهانـة فــي دمك
ياخسارة ألــف خسارة
لو كان في ناس بتحبك
بـتـبــيـع ولا بـتـقـدر
وبأغلى الناس بـتغدر
حابـب تـعـيشها وتأمر
مغرور سفيه مـتـكـبر
أصل الجمال غواك
وعشان كتير يـهــواك
تـكـسـر قـلوب حباك
وتبيع في ناس شرياك
كـــل الـلـي بـيـحـبـوك
عـلـشـان جـمـالـك بـس
ولا لحظه يوم حسـوك
وأنـــتـا ولا بـتـــحـــس
عشقوك عشان يغووك
لطريق شيطان الـجـنس
خونت ودوست عـلـيا
وأدى أخرتك شوف وبص
مــاشــى بـتـصـرخ الأه
يخسارة عــلي اللى ضاع
إنتا إللي قولت بنفسك
وداع وألـــــــف وداع
مشيت ورا شــيـطانك
ده شيطان سليط خداع
إشــرب مـــرار وألام .
وحـــس بــأالأوجــــاع
هان عليك نفسك
وبقيت انت مبسوط
اخد إيه من اللي غشك
ولعبت دورك مظبوط
اديك عرفت ميــن الخاين
وأظن كلامى اهو باين
قلبى كان ليك دايما صاين
وأنت أهوه كــنت الجاني
مين فينا كان الجاني
ومين منا اتجني عليه
عاش عمره كله أناني
بيبيع ويتشتري فيه
خالدالمنصوري
