بغداد
تمللى شوقى بيروح لك
مابين قضبان بيعدى .
لا بيعوقه حرس وآقف
ولا أسوار وجاى يدِى
بيغمز لى يقول رايح
وعُمْره مايوم سمع ردى .
وطول وقته قاضيه عندك
رايح أو جاى مابيهَدى .
إذا طول حداكى يوم
بيرجع لى يبوس خدى .
يقول لك كلمة ويسيبك
حزام العِفه ليه شدى .
ماليش آنا رأى فى المكتوب
لكن مش راضى عن ظلمك .
وساند ضهرى على حيطتى
ليوم ماتفوقى من حلمك .
وليل من بعده جى نهار
تبانى للضيا بعلمك .
وزرعة شيطانى نقطعها
وترجعى وردة بنشمك .
.........
من قصيدة :
بغداد ....
من ديوانى :
سكوت المنادى
شعر :
على معوض
ليست هناك تعليقات:
إرسال تعليق