خد ياحبيبي من قلبي وصر
قلبي عمره معاك ما أصر
كان متسامح حتى في حقه
قلبك جاله بكتف وزقه
عمره ما فكر إنه يضر
لكن قلبك ليه مليان
إنه يكون له لواحده كيان
جه على قلبي عشان غلبان
راضي بالقسمة ومااتغر
كان طول عمره جنب الحيط
ماشي ومااعرفش التنطيط
بس الحيط على راسه اتكر
تاه في بحور حبك واتضر
مارسيش مرة معاك على بر
م الأخر قلبي شبع منك
تاه وياك من قسوة ظنك
دوقته في هواك المر
راح أقولها وورايا تكر
خد ياحبيبي من قلبي وصر
هجر بهجر ومر بمر
ليست هناك تعليقات:
إرسال تعليق