((عشگناكم))
عشگناكم ومن عشگنة ماحسبينة حساب
ونطرناكم بكومة عيون وبلكن تدگ الباب
حسبتك قبلة الي ديني انت لامحراب
وشنو البدر مني دگلي مو انت التگول احباب
نطرتك نطرة غريب الحضن اهلة وفاگد اصحاب
وفگدتك فگدةغريب التمو عليه اجناب
نتعاتب خليها سكته متروس بيك عتاب
بس شعاتب شفتك لونحرك خليها حباب
تذكر بليلة برد من گتلي بس الك حضني طاب
وين الطيب وين الطاب شو صرت هبهاب
بس لناقصة تگطر اوكون بناري تنصاب
شنهو الوفة عندك فهمني بلگي ظني خاب
بلكي الگي عندك عذر قنعني يقبقاب
تلوگ عليك هالكلمه بلا اصل غادر وچذاب
حيل بية استاهل اني وهسه برد الصواب
شگلت للة لناس لشامت موسويتني تراب
بس ماموت لاتفرح اذكرك من بست العتاب
مانرجع بعد صفحة انطوت يابين يغراب
وگلبي ذبيتة بنهر وصار بمكانه كتاب
حتى من احن اقرة سوالفك البيها الطفل شاب
ميهمني جمالك بعد لاجسمك الجذاب
المات ما يحتيي ولاتنفع لطم لاينفع اضراب
بقلمي
باسم الخفاجي
٢٠١٩/٨/٢٠
ليست هناك تعليقات:
إرسال تعليق