أغنية
(حال الدنيا)
ناس
تلقى ولاتتعبش
ناس تتعب ولا تلقاش
ياما ناس تشقى ولا تجبش
وناس بتجيلها بلاش
ناس
وداحال الدنيا ياعم
حالها كده علطول
على إيه بتشيل الهم
مافى غير رزقك هتنول
بلاش تزعل نفسك
أصل الدنيا ماتسواش
ناس
إتمنى الستر وعيش
هتكون ديما فى سعاده
الصبر زيه مافيش
الصبر طبيب وعياده
رب العباد موجود
عنك ماهيتخلاش
ناس
إسعى واتعب وجاهد
اعمل كل اللى عليك
ارمى الحمول ع الواحد
لازم حتما يرضيك
احلم ديما على أدك
فى الحلم ماتتعلاش
ناس
غنى وفقير بيموت
لو راضى أومش راضى
فايتين أراضى وبيوت
والقبر ضلمه وفاضى
غيرنا بمالنا بيتمتع
وبينسى ولا يزرناش
ناس
بقلم رضا عبد الحميد/مصر
ليست هناك تعليقات:
إرسال تعليق