قصيدة شعبية {{مفهوم }} بقلم الشاعر المصري القدير الاستاذ {{السيد الدالي}}

.................... مفهوم ................. 

 💔💔💔

مفهوم. عرفت قصدك على العموم. 

أبعد خلاص مع السلامة.

💔

مفهوم. مقدرش حتى عليك ألوم. 

خسارة فيك الملامه.

💔

جاي تلمح وتقول أعذار. 

ملخص كلامك بإختصار 

انت ماتنفعش ليا. ولاحتى انفع ليك 

💔

كفاية لحد كده جراح. 

حاسس بعدك هرتاح. 

القرار بأديا. حياتي مش واقفه عليك.

💔

اللي يدور يلاقي. في قلوب كتيره نظيفة. 

عمرها ماتبيع اللي شريها. 

مش زيك ملكش أمان. حياتك صعبة مخيفه. 

الظلم والغدر مليها. 

💔

جاي تلمح وتقول أعذار. 

ملخص كلامك بإختصار. 

انت ماتنفعش ليا. ولاحتى انفع ليك. 

كفاية لحد كده جراح. 

حاسس بعدك هرتاح. 

القرار بأديا. حياتي مش واقفه عليك. 

💔 💔💔

....

بقلمي 

الشاعر والكاتب 

السيد الدالي. 6.9.2019