قصيدة {{تعبنا بهالمشوار}} بقلم الشاعر السوري المبدع {{جمال خضور}}

قطفةشعر.. من(زورق الليل) 

 ياحاملْ عَ كتافكْ..

 ضَوّْ القَمَرْ.. 

 ماشي بهالليلْ.. 

 وعَ مينْ.. اتْدَوِّرْ..

 لا صوتْ الدِّيبْ.. 

 لَعنْدهُنْ يوصَلْ.. 

 ولاريحْ توَدِّيلُنْ..

 هالعطرْ..

 تعبنا بهالمشوارْ.. 

 ورْجاعْ لَعرزالَكْ..

 مابقىٰ بكيرْ.. 

 كامْ خطوة .. 

ونْوَدِّعْ..

 هالعمرْ..

 ألله ياهالعشقْ.. 

 شوعملْت فينا..

 متلْ أرضْ..

 مرّة نصيرْ..

 منْ العطشْ.. 

محروقة..

 ومرّة اتْفيض ..

 متل النهرْ..

 والروحْ مسروقة.. 

 ومرّات تدْبَلْ.. 

 والقلبْ يبْسانْ.. 

 ولا حَبّْة.. صَبرْ..

 بشْكيكْ لَحالكْ ياعشقْ..

 تعشَقْ شي مرّا..

 وتْدوقْ مْرارة الفرقة..

 لايوسَعكْ..ليلْ..

 ولايواسي قلبكْ.. 

 فجرْ.. 

 جمال خضور