أشهد يا زمن
علي اللي باع
واللي أفتكر عشان تتحب
لازم تعيش لحظة وداع
وعشان تحس معزتك
لازم يجرب قسوتك
لازم يكون عندك صداع
اشهديازمن
علي اللي خانوك
واللي افتكروا بالقساوة
أنه هيشتروك
يادي الغباوة
ياخسارة معرفوش يفهموك
ولا قدروا حتي يعيشوا فيك
ولا قدروا حتي يموتوك
ياريتهم مره سمعوا كلامي
او حاولوا بمشاعرهم يرسموك
ياريتهم مرة
مرة واحده
مكنوش ابدا يلعنوك
وخلاصه الكلام
مش نهايه قصيده
ولا هيكون آخر كلام
فيها قلب
أيوه فيها قلب
بس تفرق بين ضلوعك
قلب لين
قلب اتولد يكون حنين
غير قلب جامد
احساسه بارد
زي ما يكون اتولد
حتة رخام
فيها حب
أيوه فيها حب
يفرق كتير والله
لما تعيش حب اشتياق
هو يعني لما تحب إبليس
زي ماتعشق ملاك
ولا عشان تحس بمحبته
لازم تدوق طعم الفراق
احمدعبدالحق
ليست هناك تعليقات:
إرسال تعليق