‎قصيدة شعبية {{خوابي المَحْكي }} بقلم الشاعر السوري القدير الاستاذ {{جمال خضور}}‎

قطفةشعر.. من (زورق الليل) 

منمنمات منْ.."خوابي المَحْكي) 

بِ جْنَيْنتها..         _1_

وردْ ولوزْ.. 

وأكْتَرْ منْ هِيكْ.. 

مابيجوزْ.. 

حَسّونْ وقَلْبو مَحْروقْ.. 

يْنَقْوِرْسكَّرْ.. 

منْ هاللوزْ..

_______________________________

جْنَيْنِةْ وردْ..         _2_

منْ حروفْ الشّْعِرْ.. 

مَزروعَة.. 

كلْ مااكتَبنا قَصيدة.. 

زْرارها تِكْبَرْ… 

وعَ العشقْ.. 

تُوعا.. 

متلْ صْغيرة مْدَلْعَنة.. 

ورا الشْبَّاكْ.. 

يكْبَرْفيها الغَزَلْ.. 

وعْلِينا… 

تْرمي شْبَاكْ..

_______________________________ 

كِلْ ماالحلو…          _3_

منْ حَدّْ شبّْاكها مَرَقْ.. 

اتْطلْ الصَبيّة.. 

منْ شبّْاكها.. 

ويْفيقْ الحَبَقْ.. 

شو صارْ ياهالشِبّاكْ.. 

لا طَلِّتْ الحلوة… 

ولافاقْ الحَبَقْ.. 

______سوريا/جمال خضور ____________