اغنيتي إليك
لا تحاكيني بلون عيوني
إنت عم تحكي سياسه
بيسمعونا وبيلاحقونا
بعبونا بأصغر طاسه
شو أنا صاير جريده
عم تقرا فيي الأخبار
مره شعرك مره عيونك
ونشره جويه وأمطار
وبعد ما تقرا الجريده
دخلك شو راح تعمل فيها
بتقراها مره ومرتين
بتزهق وعابره بترميها
لا يا عيني انا مش جريده
أنا قدامك شعلة نار
بحلالك تتغزل فيي
وتقلبني بين عيونك
بتصورني طول وعرض
وعالفاضي بتطفي جنونك
ما قلت شو قصدك يعني
ما اسمعت كلمه تريحني
شاطر لما اشكيلك همي
بتطعلي بكبشة اشعار
لا يا عيني مش جريده
أنا قدامك شعلة نار
طالع نازل عم تتغزل
ما شفنا غير الكلام
صرت اخاصم هلمرايه
احفظت حالي تمام
ناسي قدامك صبيه
شبكتك عتقت بديي
احفظنا منك أشعار
بتكفي عماره عشر ادوار
لا يا عيني مش جريده
انا قدامك شعلة نار
علي عوده. الأردن
ليست هناك تعليقات:
إرسال تعليق