...الوطن يابني...
الوطن يابني
بهالأيام
مومتل الأم
متل ماكان ينقال.
الوطن يابني تميم
الأم بالتمام.
الأم اللي بتوهبك
اللقمة اللي بالتم.
الأم مابتاكل ولادا
إذا جاعت
ولا بتشرب دم.
الأم بتحضن ضناها
بحدود حضنا.
وإذا جاع
بترضِّع من حليب
روحا لابنا.
وإذا نشف نبعا
متل البجعة بتشق
صدرا وبتطعميك
من لحما.
ومستحيل تبيعك
بسوق النخاسّين.
تتبهرج وتتبهوَّر
ببريستيج.
تياب لبس العهر.
الأم بتغسل فستانا
وبتلبسو.
ومابتخليك عريان
وجوعان.
ولا بترميك
للفقر والقهر.
الأم تتضل مطمَّن
ومانك خايف
ومانك مرعوب.
بتصير بلحظة
خطر
لبوّه ومتل عنتر
بوجه اللي جاي
يسلبك
حالك ومالك
ونسغ حياتك.
أمك يابني انتي
الأغلى عندا.
الأم يابني حقيقة
متل الله بالنوايا ..
مو كذبة ولت حكي.
إنتي بس اطلّع بعيونا.
الوطن يابني
روح وملح الأرض.
والأم متل الله
اللي نزل نصو
بجلالة طيفو
من السما
تيرعاك ويسمي
فيك.
وانت ترد المعروف
وتقول الله يقدرني
تاردلا.
وخلي الفرحة دوم
عتما.
وقول مافي أقدس
من الله وأجلّ.
ومافي عندي أحلى
وأغلى من الوطن
اللي هوي متل الأم.
الوطن يابني
صحيح
شبيه الأم.
هيك قال المرحوم
التقي النقي
عمر الفرا
الله يرحم روحو
اللي صارت عند
ربا ورجعت
عحضن اما يضما.
كان يقول الوطن
يابني شبيه الأم
للأبن الوفي.
مو للتاجر
والجاحد
يللي ببيع
وطنو وأمو
وبيكفر بربو
باسم ربو.
ولا ل.للي
بيضرب امو
عوجها المنوَّر
كف
وعامل حالو
متل عنتر .!!!
آخر شي
كل عام وامي
وشبيه امي
بألف ألف خير.
وعقبال مايجي
يوم وردلا.
وامسحلا الدمعة
بخدي عن خدا
وبسلا ايدا واجرا
وارجع طفل صغير
تااسكن بعرزال
حضنا !!!
.محمد جميل العامودي.
سوريا. اللاذقية.
ليست هناك تعليقات:
إرسال تعليق