قصيده بعنوان بحبك يا مصر
بقلم الشاعر محمد سعدون
بحبك يا مصر بحبك
رغم الأسى والشقي و الخوف
بحبك وديما بقولها
من غير خجل وكسوف
بحبك في كل الحالات
بحبك في كل الظروف
بقولها بكل اللغات
بقولها بكل الحروف
بحبك وأن يوم فارقتك
برجع وانا ملهوف
بحبك رغم قسوة الايام
رغم دموعي رغم شقايا
رغم الحكم بالإعدام
رغم أنهياري وانكساري
رغم عشتي في الأوهام
رغم العمر إلى عدا وفات
وما تحققش فيه أحلام
بحبك وبعشق ضحكتك
وبعشق فستانك و خلخالك
بعشق سماري في بشرتك
بعشق غنوتي في موالك
بحبك وانتي فرحانة
والدنيا حلوه وريقالك
بحبك يلي سيباني ونسياني
وماخطرتش على بالك
بحبك يا مصر بحبك
بس انتي ليه كرهتنيني
وهبتك عمري و شبابي
وروحتي لغيري سيبتيني
رسمت الفرحة في عنيكي
رويتك حبي و حنيني
زرعت الضحكه في شفيفك
طرح الحزن في جبيني
بحبك يا مصر رغم انك
افلتي في وشي الباب
جرحتني و خونتيني
وحبك طلع كداب
وسيبتيني وانا محتاجلك
ورحلتي بدون أسباب
كأني يا مصر مش ابنك
ولا محسوب من الأحباب
كلمه وحده هقولها ليكي
يلي هونت في يوم عليكي
يلي بعت الكون عشانك
وقلبي ديما كان شاريكي
مهما أشوف منك اسيه
ولا أشوف الظلم فيكى
انتي روحي ونور عنيه
ويهون عزابي عشان عنيكي
بقلم الشاعر محمد سعدون
ليست هناك تعليقات:
إرسال تعليق