فاكرها شطارة
=========
بعدين وياك يا اخينا
جاي عايز مني انا ايه
واقف عمال تشاغلني
واخرتها معاك كده ايه
متقولي ايه يا جميل
اه يا واد يابو رمش كحيل
حكايتك ايه و يايا وجنبي
وعمال بتميل
انا اصلي ماليش في الحب
ولا مرة انا قلبي انا طب
متريح نفسك مني وفكك
بس اوعى تطب
ولا انت فاكرها شطارة
جاي تلف لي في الحارة
وكمان قدام بيت ابويا
واقف ومعاك صفارة
طب يالا روح اجري بعيد
لا تقول ولا تاني تعيد
مش عايزة اتجوز واحد
يوماتي في حب جديد
ايه حكايتك يا ابن الناس
والله دانا اتاقل ماس
عايزني احبك انت
ده تبقى الدنيا خلاص
روح شوف واحدة من توبك
راضية وقابلة بعيوبك
ترميها تحب عليها
ولا مرة بتسأل فيها
بتلف الدنيا بحالها
وترجع تاني تلقيها
اما انا يا حبيبي منفعش
اصلي مبعرفش اغش
ولا بلبس مليون وش
واللي في قلبي على لساني
ولا بعرف احب انا تاني
غير بس اللي انا بخطاره
وتملي اصون مقداره
بالملح أكلها معاه
وبكون انا ساكنه وداره
الحب علينا يضلل
واسنده لو يوم بيميل
مهو هو حبيبي وبس
ولو جالي الف بديل
البيت ماهواش بحطانه
البيت بناسه وسكانه
بالكلمة الحلوة الدافية
وعلى طبعه انا امشي واميل
ولا عمر لغيره اميل
2020 /2/9
:
#ماجدة_البهيدي
:
ليست هناك تعليقات:
إرسال تعليق