واحشني يابا
===========
واحشني يابا بعدك هلاقي
مين يضمني
واحشني يابا ولا حد غيرك
يوم يحسني
فين الحنان فين الأمان
فين حضنك اللي كنت
فيه أنا بترمي
واروح لمين وأقول يا مين
من بعد أبويا حد يوم يضمني
واحشني يابا وواحشني حضنك
في الدنيا مين أنا ليا بعدك
راح الحنان راح الأمان
ضهري اتكسر
سايبلي أيه في الدنيا
غير غدر البشر
أه يانا يا دمعتي
في الدنيا وغربيتي
ويا ضلمة سكتي
بعدك قلبي اتكسر
ده ماليش في الدنيا بعدك
و ماليش أنا إلا حضنك
مش عارفة أعيش في بعدك
بعدك قلبي انفطر
واحشني يابا واحشني موت
بعدك أنا والله بموت
والشوق إليك ماله حدود
دانا نفسي اضمك
لو حتى اموت
اه يابا وروح لمين
بعدك قلبي حزين
معدش ليا حد
غير وجعي والقدر
الأخ أهو باع أخوه
والمظلوم يحبسه
والجاني يشكره
وادي لعبة القدر
يابا أنا محتجالك
عايزة أتخبي في شالك
نفسي أشبع من حنانك
نفسي أهجر البشر
ياللي أنت كنت ضلي
بعدك أنا أيه فاضلي
دانت شمسي وضلي
وأنت بكل البشر
اه يابا ليه سايبني
مد إيدك وجبني
وجمبك بس سبني
عايزة أرتاح من البشر
يا دمعة متنزليش
أنا بعده مش هعيش
خلاص ما عدلي عيش
راح أبويا وضهري انكسر
2020 /18/7
بقلمي
#ماجدة_البهيدي
ليست هناك تعليقات:
إرسال تعليق