قصيدة غنائية تحت عنوان {{ياما نفسي}} بقلم الشاعر المصري القدير الأستاذ {{محمد البريمى}}

 

شعر غنائي ..

(( ياما نفسى ))

ياما نفسى أكلمك .. لكن عوازلك منعانى ..

أسمع صوتك لو مره .. إنتى يا حبيبتى وحشانى

و نعيد كل اللى فات .. و نقلب ف الذكريات

و الأشواق و الآهات .. و الحب و الآمانى ..   

         ياما نفسى أكلمك ..

وحشانى الضحكة الحلوه .. بترد فيا الروح ..

أنا لسه برضه فاكرها .. مهما تغيب و تروح ..

ديمآ تيجى على بالى .. تفكرنى بأحلى ليالى ..

و كلام الحب الغالى .. من أطيب قلب و روح ..

        ياما نفسى اكلمك ..

نفسى أخدك و أطير .. لأبعد مكان ..

و نعيش حياتنا أنا و إنتى .. على طاعة الرحمان

لا حد يجرح فينا .. و الدنيا ملك إيدينا ..

و السعاده من حوالينا.. واخدانا بالأحضان .. 

        ياما نفسى أكلمك ..

بقلم الشاعر الغنائى ..

محمد البريمى ..