كانت سحابة صيف ماهي غيمة
وكانت حكاية حب ملها قيمـــــة
معاها عرفت الياس
منها عرفت قياسي
وعرفت من يقدر يكون لبـــــــــأسي
ومنهو اللي يبقي دليل أنفـــــــاسي
ويجري معاي في عروقي ديمـــــــه
ويبقى حبيسي في ديار احساسي
ويبقى معاي كيف جدي الريمــــــا
ويبقى يعاني معاي كيف أنقــــاسي
ويبقى معاي في حياتي شيمــــــــة
ويبقى سهر في الليل وقت انعاسي
ويبقى ونس ليا في وقت الظيمـــة
ويبقى دليلي في أيام تعـــــــاسي
ويبقى حكيم الفكر ليه القيمــــــة
ويبقى ذهب صافي مش نحــاسي
ويبقى على صدري غلاه حميمــة
ويبقى حبيبي وروعتي يا نــــاسي
ويبقى عظيم الحب في تعظيمـــه
ويبقى زهوري ودنيتي والمـــاسي
ويبقى شريكي في حياة كريمــــة
ويبقى وجوده في حياتي رواسي
ويبقى ثبات العقل في تصميمــــه
ويبقى زهاء للعين هو لبــــــاسي
ويبقى عليا يجود بي تخميمــــــه
وهيا دايما تبقى سحابة صيف ملها قيمة.
رحلت مشت ماهيش هيا غيمة
محاولة في الشعر الشعبي
أحمد احمد
ليست هناك تعليقات:
إرسال تعليق