*-الإحسان _*
مشغول وبالفكر سارح
ياما اللى ربي ماطال
والهم في القلب جارح
بيشكي فعل العيال
قاعد والدمع سايل
خلاص قهرني البعاد
لهمهم ياما كنت شايل
خاصمني حتى الرقاد
فكرهم أنا كنت نايم
وهما صبحوا رجال
للهم أنا كنت طافح
وفي البلاد رحال
الفجر يأذن ويكبر
ما كحل العين الرقاد
عمال اعافر واكرر
ضهري مشدود بالحزام
وشقايا عني ماخبر
ما جيبت قرش حرام
عشت اطبطب وكبر
وهما واخدين قرار
عمال أحوش وكنز
عشان نصنع رجال
وشايل همي لوحدي
وبيه انقطم لي ضهري
وولادي خانولي عهدي
يالي كبرتوا باديا
وكنتوا حمل الجبال
تركتوا الوحده ليا
نجيب منين الوصال
ما خدمني حتى شقايا
وضحك عليا حنيني
بالنوم بكمل عشايا
والنوم كأنه كاريني
وبدعوا ربي عسايا
يشيل حملي وديني
وقادر يتمم شفايا
وبلاش الحوجه ليكوا
ياولادي ما تحسوا بيا
فنيت شبابي عليكوا
ودا الجزاء اللي ليا
كتبتوا موتي باديكوا
ماشالت دموعي نوحي
ومين يطبب جروحي
بعلو صوتي ونوحي
عليكم انبح صوتي
هجركم هو الهديه
ولا اللي ربي ما طال
وبيكم لو عزوة 100
هو دا اللي بخته مال
الوصال الوصال
بقلمى نبيل عبد الحليم
15/3/2020
ليست هناك تعليقات:
إرسال تعليق