قصيدة غنائية شعبية تحت عنوان {{لو أهون}} بقلم الشاعر المصري القدير الأستاذ{{محمد البريمي}}

لو أهون .. كلمات الشاعر الغنائى محمد البريمي

ألحان وعزف وغناء .. خليل أبو فريد أرجو أن تنال إعجابكم

لو أهون عليكي يا حبيبتي .. إنتى عليا ما تهونيش  ..

أنا مقدرش أستغنى عنك .. و من غيرك مقدرش أعيش ..  ..

إنتى الروح و ضى العين  .. و العين دابت شوق و حنين  ..

عودونى عنيكى الحلوين ..  على حب ما يتنهيش ..

         لو أهون يا حبيبتى .

م عدش ليا حبايب غيرك ..  أسأل عليهم ويسألوا  عليا ..

بعد الحبايب م هجرونى .. و غابوا و جرحوا فيا

لو تعرفى  قد إيه كان عذابى .. من صغر سنى لحد شبابى ..

أهرب من  ظلم لظلم تانى  .. و الدنيا كمان آسيه عليا 

          لو أهون با حبيبتى

إنتى مليتى عليا حياتى  .. بعد ما كانت نار و جحيم  ..

شوفت الفرح على أعتابك .. شوفت الجنه و النعيم .

شوفت عمرى بيرجع تانى .. شوفت الدنيا بين أحضانى ..

نسيت الخوف و أحزانى .. و قلت يا رب إنت  كريم ..

        لو أهون يا حبيبتى