لميت كل الورق
في ورق ممسوح
وفي ورق مجروح
وفي كمان ورق
شايل كلام يتبلع
وهناك سطور مخفية
كلامها غير مسموح
----------------------
غريبة الدنيا دي عجيبة
فيها ناس تقبلك بعيوبك
ناس كلها طيبة
وناس محتاجة لجيوبك
ميهمهاش عيبه
وناس تحس بحنانها
تحس بطعم حلاوتها
تبيع الدنيا علشانها
لو تضحك
تطلع الشمس في اوانها
ولو تدمع
تبوس الدمع في عيونها
مني النفس
وهي النفس مخلوقة
الا علشان تزينها
-----------------------
كتير بكتب حروف أسمك
وأكون فرحان
ولما أشتاق في يوم ليك
باكون إنسان
ولو حسيت في يوم بيا
تطرح كل بساتيني
بعطر الفل والريحان
ولو غبت في يوم عني
بتألم
أرجع أكتبك مرة
كأني لسه بتعلم
حروف العشق تعصاني
وياما الشوق خلاني
في بحرك كما الغرقان
يااطهر حتة في جسمي
يا توبة عشت أناديها
وكل مايبعدني عصياني
ارجعلك أطلب الغفران
احمد عبدالحق
Rasha Tahon
ليست هناك تعليقات:
إرسال تعليق