انت لازم تعترف
مع أنك ملك الإحساس والقلم
مع أنك واخد علي الألم
المرة دية
وجعك ياقلبي اختلف
تكنش حسيت بالغرام
بعد الكبر
تكنش حنيت للكلام
والهيام
والانسجام
شايفك رجعت من السفر
يادي الخبر
معقول يكون عشق متأجل
معقوله بعد الشيبة
رجعت تاني اتجمل
وعلي اللوعة
وعلي التوهة
وعلي الاهات هتحمل
يكنش ده حكم القدر
كل شيء جوايا اختلف
لون حروفي
معدش يمنعني خوفي
ولا أحس بكسوفي
أنا بعترف
وجعي النهارده بس
اختلف
كاني كنت ملبوس بالوجع
بسم الله..الله اكبر
راح العفريت وانصرف
شيء جوايا اختلف
وبعترفلك علي الملا
مش بس شيء واحد
يمكن يكون اللي اختلف
هتصدقيني لو قلتلك
كل شيء جوايا اختلف
الحرف اللي عرفته اختلف
الحس اللي ملكته اختلف
معقولة احساسي بيك
والأروع لما احسه
الاقيه ماليك
من النهارده بس
اعتبريني محسوب عليك
بفرح لما حرفي أجي أقوله
غصب عني
ماهو حتة مني
الاقيه حاضن عنيك
لون عيونك مختلف
طعم وجودك مختلف
رسم ملامحك مختلف
وأنا الموقع ادني
بقر بحبك واعترف
احمدعبدالحق
ليست هناك تعليقات:
إرسال تعليق