--------- الفراق. --------
مراوحة شعرية بين:
الشاعر: الهادي عباس- تونس
والشاعر : بلقاسم بلمبروك- تونس
الهادي عباس:
ماهو شوي اللي عملتيه
وماني غالط كي خليتك
بدلالك...حلم تهديه
ويشهد ربي أنا حبيتك
..............................
الهادي عباس:
لا قدرتي ماضي جميل
ولا صنتي بالروح فديتك
وعمرك ما تلقالي مثيل
ولا طلبتي مرة وصديتك
حملت دلال وفاض الكيل
هاني بعدت...وشدي ثنيتك
...............................
بلقاسم بلمبروك:
كل من حبك هملتيه
وانت تعرف نا حبيتك
ثوب الحقرة تلحفتيه
ندمت على يوم اللي ريتك
فعلك ما قدرت نعديه
كفاية من وقتي ما عطيتك
..............................
الهادي عباس:
ما هو شوي اللي عملتيه
وماني غالط كي خليتك
بدلالك...حلم تهديه
ويشهد ربي...انا حبيتك
الهادي عباس- تونس
بلقسم بلمبروك- تونس
ليست هناك تعليقات:
إرسال تعليق