* إنتي عارفه *
.................
*إنتي عارفه من البداية........
إنتي عارفه إيه الحكايه.........
إن قلبي مش عشانك...........
وإنك انتي مش هوايا...........
سيبتي نفسك ليه لوهمك......
ضيعتي وإنتي الدنيا ملكك....
جوا دنيا مش بتاعتك...........
وإنتي فيها مش معايا.........
*لما قلبك جه يقولي...........
إنك انت نور عيوني............
قلت لأ ما نتيش حبيبتي........
قلبي مختارك تكوني...........
زي أي واحدة تانيه.............
لما أشوفها كل ثانية...........
المشاعر إللي فيا..............
تبقى ساكنه من البدايه........
*بس ما سمعتيش كلامي......
جوا سكة مش بتاعتك...........
سيبتي قلبك ليه يعاني.........
وإنتي عارفه لو بحبك...........
كنت أصارحك كنت أقول........
كنت أعشق دي العيون.........
مهما عمري كان يطول.........
حبك إنتي يكون سمايا..........
*وأدي قلبك عاش حزين.......
والدموع ع الخد سالت.........
بكره تنسي والسنين..........
راح تداوي لحظه خانت........
قلبك إللي عاش معاها........
وإللي عاش أسير هواها......
كل شيء يحلى بلقاها........
لحظه فيها الفرحه جايه.......
#كرم ميخائيل
ليست هناك تعليقات:
إرسال تعليق