* يا ساكنة *
يا ساكنه جوايا..........
ومدوبه الأحلام..........
يا شجرة ضلاية..........
ونجمة السهران..........
بحب أنا فيكي............
أعيش حكاويكي..........
وأتوه مع الاشعار........
واسيبلك أنا روحي.......
تضمها عينيكي............
تنسيها الأحزان............
وأشتاق وأنا جنبك.........
تاخديني بمشاعرك.........
وأمشي في رحابك.......
صواف بلا عنوان..........
*وأكون أنا المجذوب.....
درويش من الدراويش....
مين قال الحب ذنوب.....
وأنا اللي جواه بعيش.....
دا الحب شيء تاني.......
بيملى الحياه أفراح........
وعشانه بنتحمل...........
أشواك زمن جراح.........
*ياساكنه في العالي.....
دا القلب يندهلك...........
في الحب أنا غاوي........
حبيني علي مهلك.........
خديني أعيش ليكي........
دا القلب يستاهلك.........
*واسكن بين الجفون......
وأعيش أنا فيكي...........
وأدوب وسط العيون.......
دا روحي انا بيكي.........
طايرة بلا جناحات..........
والشوق يناديكي..........
في النني أصحى وأبات...
وأدفي بمشاعرك..........
خليني أكون حبيبك.........
وأكون كمان أهلك.........
#كرم ميخائيل
ليست هناك تعليقات:
إرسال تعليق