####من_الأول####
من الاول نقول تاني
وانتي معايا وحشاني
فليه التقل والغيرة
مادام بتقولي عشقاني
،،،،،
كتير مش بعرف اشرحلك
شعوري ناحيتك عاجز
لسان حاله عن الاوصاف
انتي فوق كل تعبيري
فتسكت كلمتي وتخاف
لننطق ما نوفكيش حقك
وساعتها ابقي استاهل
قصيدتي اجيبها لمس اكتاف
وارميها ف سلة التخاريف
وابدأ تاني م الاول
علي الله المرة دي افلح
واكون في غاية الانصاف
حبيبتي شوفي ايه مكتوب
علي جبيني .. ملكتيني
عيوني لتاني مش بتشوف
قصيدتي ياما حنوها
وصموا السمع م الزغاريت
رأيتك نسمة مية وضي
رُحت جريت انا اتوضيت
وركعتين للإله صليت
وندمت علي يوم ما عصيت
وعرفت للطهارة بيوت
وقصيدتي ليكي ندمانة
ورجعت تاني بنت بنوت
لمست الحلم ف عينيكي
ومن ساعتها ما شافت نوم
قوليلي ايه هيرضيكي
وانا طوعك وملك ايديك
انا الزرعة ف اراضيكي
ماتمد الفرع الا اليك
وانا الروح اللي تفديكي
من اي شئ لو يئذيك
الثانية ف بعدك تقتلني
وتمر عليا ييجي كام يوم
#محمد_فتحي_الشيمي
ليست هناك تعليقات:
إرسال تعليق