خليك صامد واوعي تخاف...... مهما هايحصل اوعي تسيب
ايوه مافيش زره انصاف....... ومش هتلاقي في لحظه حبيب
ارضك عرضك ماتسيبهاش....... لو هاتموت ولا يوم هاتضيع
كله خلاص بيبيع ببلاش....... كله موافق عالتطبيع
فين الاخوه وفين النخوه ..... كله كلام يتقال في اغاني
حتي مافيش الكلمه الحلوه..... وفلسطين عمرها ماتعاني
النسوان فيهم رجاله......... واقفه بتضرب ولا بتهاب
واحنا نعيش في الدنيا دي عاله....... وبنخاف ييجي عاللبس تراب
يادي الوكسه ويادي الخيبه........ لما نشوف نسوان بتحارب
راحت منا خلاص الهيبه........ وبقينا في بعضينا نعايب
هيبه العربي خلاص اتكسرت....... لما خرج بره عن الحزمه
حتي ان رحت في اي مكان....... تبقي تافه ولا ليك لزمه
يافلسطين ليكي رب......... علشان احنا خلاص كده موتنا
مابقاش فينا حيل للضرب....... ماخلاص اتسلبت قوتنا
القوه بتطلع في مقاوحه........ وبنشتم ونعض في بعض
ونبيع للاغراب بمصالحه...... وتمنها بقي هو الارض
ايه ذنب الاطفال دي تموت.......واذا تبقي هيا التمن
والله ماهيحرك صوت........وكله هاينسي مع الزمن
طيب قلي ازاي راح تنسي......ويجيلك قلب تنام مرتاح
وازاي علي اخوك رح تأسي......وتسيبه بينزف من الجراح
ازاي هانفرط في الطين........ازاي هانفرط في العرض
وليه منقفش مع فلسطين 🇵🇸.......وندافع كلنا عن الارض
تحيه كبيره لكل قلب لكل انسان قلبه مع فلسطين العربيه
القدس عاصمه فلسطين 🇵🇸
تحياتي محمد تريكه تريكه
ليست هناك تعليقات:
إرسال تعليق