الحياة ............
الحياة رايحه وجايه واحنا مش فاهمينها ليه
كل دقيقه كل ثانيه تتغير احوالنا ليه
اللي قاعد وسط اهله واللي بيألف بجهله
واللي مش حاسس بحاجه طب وده نقوله ايه .................
اللي عامل نفسه صايع واللي دايما مخه ضايع
واللي للدنيادى بايع نفسه حد يكون شاريه
واللي شايف نفسه ياما ماشي في سكه الندامه
طب نقوله مع السلامه ولا بايدينا نراعيه ...........................
واللي متغرب وسافر واللي ساب حبيبه هاجر
واللي عاش في الدنيا عابر لما الدنيا جت عليه
اللي زعلان من حبيبه واللي مش عاجبه نصيبه
واللي مش ممكن نسيبه ده بحياتنا نشتريه ..............................
اللى دايما حاله عاجبه واللي عاش بيخون في صاحبه
واللي دايما شوقه غالبه احساسه الله عليه
واللى عايش يرضى ربه هو ده اللى الناس تحبه
ربك بيحقق مطالبه والجنه تبقى مأوى ليه .......................
تحياتي محمد تريكة تريكة
الحياة
ليست هناك تعليقات:
إرسال تعليق