"نطلع عالقمر"
تجي نطلع
عالقمر
بلا حجز
وتيكت سفر
وقت البدر
بنص الشهر
بالعاصمة
شقّتنا تكون
ونقعد سوا
عالبلكون
وإتغزّل
بهاك لعيون
وبغمرة دفّيكِ
واعترفلك
بإني فيكِ
إدّيشني مجنون
تيجي نطلع
عالقمر
وتتخبّي
بين الغيمات
واندهلك
وحدّي تكوني
وتهمسي
أنا مش هون
وحِسّك بقلبي
وأنا مغمّض لعيون
بشريطة فضّية
بلون لنجوم
ولاقيك يا مجنوني
وضمّك متل مجنون
وإتضوّي
عكل البشر
ومن جهلهم
يفكرو القمر
منوّر
بنص الشهر
ويغاروا
يجنّوا من القهر
لإنك بقلبي
ساكني
ومتّكية
عصدري الحنون
تيجي نطلع
عالقمر
اتنيناتنا
وما نترك خبر
وكل العمر
نختصرو بشهر
من البدر للبدر
تيجي نطلع القمر؟
يلا نطلع عالقمر!
فاطمة البلطجي
لبنان /صيدا
ليست هناك تعليقات:
إرسال تعليق