قصيدة شعبية تحت عنوان {{ متدايق حبتين }}بقلم الشاعر المصري القدير الأستاذ{{ محمد الدالي }}

 متدايق حبتين. 

ومفيش. نصيب للدحكه. 

واخدني ياحزن لفين. 

متدايق حبتين. 

اخرج من وعكه لوعكه. 

إمتى تروقي ياسنين. 

. 

واشوف هم غيري. يهون همي. 

أحمد ربي وأهدى. بإسمه أسمي. 

واحن لحضن أمي. اقول ياريتها يمي. 

تمسح دموع العين.

. 

تايه في الذكريات. أحن لطفولتي مره. 

وأحن للي فارقني مره. وأصحى ع وحده موره. بتقطع زي السكاكين. 

. 

واشوف هم غيري. يهون همي. 

أحمد ربي وأهدى. بإسمه أسمي. 

واحن لحضن أمي. اقول ياريتها يمي. 

تمسح دموع العين.

.

أيام بتعدي وخلاص. شفايفي بتمثل الإبتسامة.خايبه خايفه من الملامه.

ويجي الليل أسيب علامة.

على وسادتي بوجع وأنين.

.

واشوف هم غيري. يهون همي. 

أحمد ربي وأهدى. بإسمه أسمي. 

واحن لحضن أمي. اقول ياريتها يمي. 

تمسح دموع العين.

عايش وسط الحبايب. لكن حاجة نقصاني. 

تملي جوايه تعباني. بجد الضحكة وحشاني. 

ولغير ربي هشكي لمين.

.

واشوف هم غيري. يهون همي. 

أحمد ربي وأهدى. بإسمه أسمي. 

واحن لحضن أمي. اقول ياريتها يمي. 

تمسح دموع العين.

..

كلماتي الشاعر/ السيد محمد الدالي

11/3/2021