#كائن_مفرد
في مثلُكِ يُكْتبُ الشِعرَ سَيدتي
وتعاني من الهواء محبرتي
فارغةٌ لها دهر من الإحساس
مفقودٌ وكل الفقد مملكتي
""""""
هجيب الحبر من دمي
دا كلام متعاااد !
طب هكتب ليكي بدموعي
ما كفايه يا واد !
كل المعاني بتتكرر
حتي التقاطيع
مابين رسم الحروف تيأس
وزايدها عناد "
كلام الشعر في عينيها
ما هيوفي
"دقيقة حداد"
علي الواصف وخيبة الشعر
علي ايده
وعجز الضاد"
وعلي الموصوف ماهوش منا
لتحديده
ولا اي بلاد"
في اطار الصورة المبتوره
ياما بتنعاد"
حبيبتي قوليلي ايه اكتب
شئ مش مُعتاد "
كفايه ابص في عينيكي
ساعات وساعات
علي استعداد"
اقضي العمر والباقي
ماهوش وافر
"أتنهدلك"
ممنوع اللمس
دا مش مسموح
عشمان "عدلك"
الرحلة طويلة من عيني
الي عيونك
ناوليني الزاد
دي نجوم العشق
من غيرك بتحرق فيا
وايدها علي زناد
وياما زمان كانت قبلك
نور لياليا
والسين والصاد
عواصف حبك الجارفة
قلعت جدري
وزرعت حبك
اوتاد اوتاد
يوم ما التقيت صورتي
وصورتك كانوا علي
" معاد"
انا المذكور بإسمي زمان
كااائن مُفرد
عصفور الغيط علي الأغصان
وبيغرد
بحب الورد واخاف اقطف
خدوده الحمر
يقوم مكسوف فييجي علينا
"ويتمرد "
والفرع الشايل فوق طرحه
هيعيش "مكسور"
والقلب العايش للغير عمره
دايما "مفطور"
بلاش تتحمل فوق طاقتك
كله بترتيب
عيشها كدا واحده بواحده
وكله "بالدور"
ما تستعجلش علي بنيه
ناوية العشقة
قنديل عفه ف طريق ضلمة
ومالياه "بالنور"
✍️ #محمد_فتحي_الشيمي
ليست هناك تعليقات:
إرسال تعليق