بشويش عليا
بقلم ماجدة البهيدي
============
يا بحر اسكندرية
اما عليك شط مياه
دوب قلبي في هواه
ونبي بشويش عليا
يا بحر هواك رماني
خطف قلبي وسهاني
من يوم ماشبكني موجك
مش عارفة لي مجاني
يا بحر هواك جرئ
بيخدني للغريق
لو روحت معاه وطوعته
هيقيد قلبي حريق
يا بحر شغلت رمشي
بعدك رمشي منمشي
والله حيرت قلبي
اروحله ولا امشي
يا بحر بالهداوة
تلاقيني ذي الحلاوة
الاعبك و تلاعبني
يا موج من غير شقاوة
يا بحر يا موج وعالي
شغلت يا حلو بالي
شطك خطين في قلبى
من غيرهم قلبي خالي
يا بحر اهين وااااه
بنسى معاك ااالاه
فى حضنك بنسى نفسي
وكأني ما قولت اااااه
يا بحر دانت حياتي
ومعاك هنا ذكرياتي
اشكيلك من الحبايب
تقولي تاني هاتي
لا عمرك مني تمل
ولا جيت مرة تفل
ولا قولت خلاص كفاية
ودايما تلاقيلي حل
افضفضلك بهم
وانت عليا تضم
بحس معك حقيقي
كأنك حضن ام
صعبان عليا افوتك
هيوحشني برودك
ودخول الليل علينا
وتدفيني بصوتك
هيوحشني نسيمك
والدندتة وتقسيمك
يا اجمل سيمفونية
والله ما قادرة اسيبك
سبحانه من سواك
وعلى الأرض رساك
لك الحمد الهي
والشكر في علاك
الخميس 2021 /10/6
:
#ماجدة_البهيدى
:
ليست هناك تعليقات:
إرسال تعليق