دنيا ودبلانة على فازه
وعيش م الفرن مش طازه
وكلمة ف كلمة وحكاية
شخبطة لا ليها مية عازه
لا حصلت بايت ولا طازه
إبن الذين الحظ بس يتحكلى
ويدينى شوية فى قزازه
وأنا أصبّح على الورده
وعلى كل اهل الله فى الفازه
وسيرة الحب تجمعنى
بست الحسن ف جوازه
يا أهل الشعر مكتوب لى
أكون شاعر ف كنشاسا
لا عمرى كنت كنغولى
ولا ابداً لبست بيدى حظاظه
ولا سمونى يوم ظاظا
اخاف تزعل منى يا ظاظا
أنا مقصدتش اندهلك
بس بنفضفض حكاوينا
كلام فاضى ملوش عازه
بقلمى على المحمودى
ليست هناك تعليقات:
إرسال تعليق