---- خرابيش-----كلمات الشاعر احمد جابر سويلم
سالت عالفن لقيت الفن صفقات
ضاع الطرب وكترت الهزات
والهم زاده البلا على رنة الصاجات
والحلوه متغندره استاذه فى الرعشات
والبيه جديد فى الطرب حلمه فضائيات
ومؤلف فى الكلام بيغازل الرقصات
وشبابنا ويا الطرب بيردد الكلمات
والموضه طلعة مقطعة بتواكب الحضرات
تهنا وتاه الطرب ولعدشى له لزات
ياخلق فين الكلمة ولاالمؤلف مات
مفضلشى غير الهلس نعمل عليه نغمات
وفلوسنا متيعثره ع الهلس والسهرات
وكفاية نشوف الرقص فى اثارة الشهوات
يامسؤلين فينكم وليه السؤال نزوات
اعلامنا صابه المرض ولادا عنده حالات
امته نخاف ع الوطن والصدق فى النشرات
علشان نبنى بالعلم مش بالطرب ولارنة الصاجات
قلبى وصوتى اندبح من كترة الاهات
والكيل دامنى طفح على نظرة السكات
والصحة صبحت عدم مكتوبه فى الكشوفات
والفقر صار موطنه فى الحضن راح هيبات
ياحكومه نظره لميسره ولاانتى بنت زوات
اللهو مش بالطرب ولارنة الصاجات
ولاجسم اتعرى ورقص ولاماطش فيه سعرات
اصل الحقيقة اتخرص فى زحمة النزوات
سالت ع الفن لقيت الفن فى الوطن مات
ليست هناك تعليقات:
إرسال تعليق