أوزوريس
منيش أمون لدى الكهنه
ولا أمى أسمها أوزوريس .
أنا المطحون أنا الكهنه
أنا المتباع وسعرى رخيص .
رميت شباكى على شطك
نقشتى ألامى وبخطك
بقيت ف زمرة الدراويش
منا لا أمون لدى الكهنه
ولا أمى أسمها أوزوريس.
رسمتك ورده بالحنه
يا زادنا يا كل ترحالنا
لقيت أحلامى مش طايله
سألتك عن قصور عاليه
جاوبتينى قصرى ف الجنه
قصور الدنيا للهبيش .
وأنا لا أمون لدى الكهنه
ولا أمى أسمها أوزوريس .
يا زهرة حينا الدافى
ياجرح عليا متعافى
بنيتك من عسل صافى
أنا الحلوانى وأنا الحافى
أنا واحد من الحرافيش .
أنا لا أمون لدى الكهنه
ولا أمى أسمها أوزوريس.
كلمات ابراهيم الحداد
ليست هناك تعليقات:
إرسال تعليق