قصيدة شعبية غنائية تحت عنوان {{شكيتك}} بقلم الشاعر المصري القدير الأستاذ{{محمد البريمى}}

شعر غنائى ..

((( شكيتك )))

شكيتك لرب السما و الأرض   .. على عصيانك ليا و هجرانى .. 

بعد م حبيتك .. و إديتك قلبى و عمرى و حنانى ..

عايزه دلوقت تتخلى عنى .. و تنسى كلامك ليا ووعودك ..

ونا اللى كنت مغمض عيونى .. و من فرحتى الدنيا مش سيعانى ....

         شكيتك لرب السما

وصل بيكى الخداع..  تكلمى غيرى بالصوت و الصوره ..

ونا تتدلعى عليا .. و تقوليلى وحياتك سيبنى مستوره ..

قوليلى حكايتك إيه .. إنتى ملاك ولا شيطانه ..

غيبتينى عن الوعى ليه .. ونا اللى فاكرك معزوره ..

       شكيتك لرب السما

أنا كرهتك خلاص مش عايزك .. روحى منك لله ..

وجعتى قلبى الله يجازيكى .. و خيبتى أملى اللى باترجاه ..

إنتى زى غيرك .. مالكيش آمان ..

كلكوا صنف واحد .. ونا الضحيه يا ولداه ..

        شكيتك لرب السما 

الطهر و البراءة .. أصبحوا مغشوشين ..

مثلتى الدور عليا .. و شربتينى الحنين .. 

كدبه و صدقتها .. من سلامة نيتى ..

ونا من وقتها .. ونا على حيانى حزين ..

        شكيتك لرب السما

بقلم الشاعر الغنائى ..

محمد البريمى ..