* كفايه بقى *
••••••••••••••••••••••••
اللي ما يقدرش ظروفك
قوله يالا مع السلامه
واللي يستنزف ف روحك
بلاها منه دي الندامه
شبعنا مناهده ياما ع الفاضي
و نعيد و تزيد ف الحوارات
كفايه بقي الروح ب تعاني
و يوماتي تنزف كتير آهات
كنت بأطبطب و أتاريه
مش ناااااااااااااافع
و هو برضو زي ما هو
إيه يجبرني و إيه الدافع
يسكن غرامي لو بالقوه
عمر العشق ما بيتغير
و إن عدت ياما عليه سنين
و مهما كان أمره محير
حلاوته بيعرفها العاشقين
لو هتكمل باللي باقي
متفصلش دايما معايا
كنت بايعني و لا شاري
الاختيار أصل الحكايه
ف بعادك بتكتب نهاياتك
و تحذف م قاموسي هواك
راجع معايا كل ما فاتك
و إعرف مين بس هواك
انت بتنهي و بدون داعي
كأنه ما بينا يخساره مات
حتى ما فيش حق اعتراضي
تقولش ده تتر النهايات
عليه العوض والله يا حب
الزمن إندار وما فيش عشاق
كله شاطر يجرح ف القلب
و ماشي براحته درب الفراق
ليست هناك تعليقات:
إرسال تعليق