قصيدة شعبية تحت عنوان {{اناالانسان}} بقلم الشاعر المصري القدير الأستاذ{{ايمن_شتا}}

#اناالانسان

#كلمات_ايمن_شتا 

بصالح نفسي على نفسي عشان تعبان.. 

واقرب مني في الوحدة عشان انسي.. 

واطبطب ايدي على أيدي... 

عشان أفضل انا الإنسان..

... 

بحس الراحة وايايا..

بكلم صورتي في مرايا..

وبرسم ضحكة جوايا..

والونها على الجدران..

واطبطب ايدي على أيدي..

عشان أفضل انا الإنسان..

... 

وضعفي في قوتي بيبان..

ودمعي في ضحكتي حيران..

ووحدة بعيشها مع نفسي..

وبسجنها في كل مكان..

واطبطب ايدي على أيدي..

عشان أفضل انا الإنسان..

.... 

شوية رحمة جوايا..

وعكازي بيسندني..

حياتي قصة وحكاية..

وايامي بتحبطني...

وحلم في النهار بيبان..

يطبطب على باقي مني..

عشان أفضل انا الإنسان..

واصالح نفسي على نفسي..

عشان تعبان..

...

ايمن شتا