* بإختيارك *
................
*يإختيارك كان رحيل
بإختيارك مات حنين
بإختيارك قلبي حبك
بس قلبك كان بخيل
*كنتي ليا دنيا حلوة
كنتي همس ولحن غنوة
بس قلبك باع بكلمة
لية في لحظة كان قرارك
*فجر عمري بين إيديكي
كنت راسم شمسه بيكي
عشت عمري كله ليكي
قلتي شمسي مش نهارك
*بعتي روحتي إخترتي غيري
سيبتي قلبي يآسي ويلي
جوا حزني كان مصيري
إني أشرب كاس مرارك
*راجعه ليه بعد إللي فات
بعد ما نسيت الأهات
تحيي حب في قلب مات
قلبي أصبح مش عشانك
#كرم ميخائيل
ليست هناك تعليقات:
إرسال تعليق