هي الحياه
شد وجذب
دم بيجري جوه عروق
نبض في قلب
دمعة بتزل مرة بفرحة
ومرة بدمعة
ومرة بتنزل من كتر الحب
هي حياه
ناس بتدور علي إحساسهم
وناس بتدور علي ترياق
يداوي أوجاعهم
او علي حضن يسد الشوق
بعد غيابه
مين هيفوق
ناس في حياتها تبص لتحت
وناس محتاجه تبص لفوق
وناس بتعيط علي أحلامها
وناس بتسافر
وناس تلاقيها مرة بترجع
حلم بوهم انك تتوهم
بطيرك يرجع
هو فيه حد بيرجع
لما يهاجر
ولا فيه عقيم بيخلف
مؤلم جدا حس العاقر
كله اماني
حد تشوفه أنه سعيد
وجوه القلب احساس مشروخ
واحد يشرب دمعه ساعات
وواحد تاني بيشرب خوخ
غريبه الدنيا ديما مقلوبة
ناس اطباعهم حقد وغل
عند وذل
وهناك برضو ناس مظلومه
اه يازمني لما بتقلب
لما تحطني جوه دماغك
ديما تغلب
تضرب ..تجمع
وكمان تقسم
انت لوحدك عارف سرك
تحسب حسبة
وترجع بعد الحسبة بتكتب
اعمل يازماني كله براحتك
اسكت
نسكت
قول مابدالك
ديما نسكت وتكتم خوفنا
ااااه يازماني لما بتغضب
احمدعبدالحق
ليست هناك تعليقات:
إرسال تعليق