ياريت ...... !
كنت طول العمر مستني
حد من العيون يفهمني
وجيت إنت ضربت
فيك الرمل سقطت مني
في أول بيت
حلفت أمسك زمام
حبك وأشد عليك
واليوم ندمت وقلت
ياريت
كنت هجرتك من الأول
ولا اتماديت
وفرحت بيك وقلت خلاص
النحس راح وهجرني
كنت أنا الغلطان عشان
طبعك مش زي طبعي ..
ولا طبعي زي طبعك
حبيتك وحسبت نجمي
مع نجمك ....
كان نجمي أنا الجوزاء
والسرطان كان نجمك
ومن نجمك ....
عرفت إنك مفارقني
في يوم من الأيام
عشان طبعي غير طبعك
ونجمي غير نجمك
مصدقتش الطالع
ومشيت مع قلبي وعارف
إنك مفارقني
وبعد سنين حياتي معاك
جه الطالع وكدبني
ونسيت التراب والنار
والهواء والميه ونسيت إني
القلوب أسرار
والله عارف إني كل شئ
أقدار
وعارف إني غصب عنك
وعني
ونسيت إني طول عمري
أوفق نجمي مع نجمك
ومقدرتش
وييك حاربت ملوك
الجن وهزمته بعزمتي
ومقدرش يهزمني
وعشانك فهمت
الفلك والسحر
لكن أنت محاولتش
مره تنصفني
وخليت الجن في
غفلة ياخدك مني
ويهزمني
كأنك بجد معرفتش
حتى معنى الحب
أو كأنك كنت ناوي
تهجرني
بقلمي سيد ابوزيد
مصر
ليست هناك تعليقات:
إرسال تعليق