قصيدة شعبية غنائية تحت عنوان{{أنا ليه}} بقلم الشاعر المصري القدير الأستاذ{{محمد البريمى}}

من وحى الخيال ..

شعر غنائى ..

((( أنا ليه )))

أنا ليه حظى كده مع الأحباب .. تملى مزعلنى ببعادهم عنى ..

أفكر فيهم و أنشغل .. و هما مش حاسين  بالنار اللى بتحرقنى ..

طاب  إيه الذنب إللى عملته .. ولا عشان منا حبيتهم  ..

و خدتتنى اللهفه لحنينهم .. يشغلوا ليه فكرى و ظنى ..

       أنا ليه حظى كده

عمرى م حبيت حد .. إلا و خدعتنى ضحكته ..

يوعدنى إنهارده .. و تانى يوم  يغير كلمته ..

يكلمنى ع المحبه .. و هو عقله مش معايا ..

ونا ماشى معاه حبه حبه .. معرفش إيه إللى ف نيته .. 

        أنا ليه حظى كده

لما كرهت الحب و سيرته ..م بقتش آآمن على روحى ..

بعد العذاب اللى أنا شوفته  .. سنين ونا بأعذب ف روحى ..

كنت فاكر إن بقالى ف الدنيا حبايب .. أخاف عليهم و يخافوا عليا ..

أتارينى كنت بأحلم .. ونا مش صاحى لروحى ..

       أنا ليه حظى كده ..

بقلم الشاعر الغنائى ..

محمد البريمى ..