قصيدة شعبية تحت عنوان{{ايه_ذنبه}} بقلم الشاعر المصري القدير الأستاذ{{ايمن شتا}}

#ايه_ذنبه

#كلمات_ايمن_شتا 

وايه ذنبه.. يعيش في حياته بين اتنين.. 

طول الوقت مختلفين.. ولا حاسين ولا عارفين.. 

مين فيهم بقا الغلطان.. 

ومين اختار.. يعيش في ظروف.. 

مليها الضعف ويا الخوف..

ومش لاقي لنفسه مكان.. 

ولا حاسس باي امان..

ما بين اتنين.. طول الوقت مختلفين

...

طول الوقت بيفكر.. طريقه فين.. 

وكل ذنبه مش اكتر.. يلاقي فين.. 

راحة وحب واطمئنان..

ونفسه يعيش مش اكتر.. 

في بيت وأمان.. 

بين اتنين.. طول الوقت مختلفين

...

فين الود والرحمة..  فين الامر بالمعروف.. 

ضاعوا مننا في زحمة.. ونتحجج نقولوا ظروف.. 

وايه ذنبه..... يعيش الباقي في حياته.. 

في ضعف وخوف.. 

ما بين اتنين.. طول الوقت مختلفين.. 

ولا حاسين ولا عارفين.. 

مين فيهم بقا الغلطان.. 

وطفل ضعيف بيتمني يعيش.. 

في امان.. 

.... 

ايمن شتا