قصيدة شعبية تحت عنوان{{مفيش_مانع}} بقلم الشاعر المصري القدير الأستاذ{{ايمن شتا}}

 #مفيش_مانع

#كلمات_ايمن_شتا 

مفيش مانع.. تجيني تقولي مش عايز حياتي معاك.. 

مفيش مانع.. تقولي امشي ومش عايزاك..

مفيش مانع.. ودا العادي.. 

تكوني ديما القاضي.. 

وانا بحكمك انا راضي..

خلاص هنساك..

مفيش مانع..

...

مفيش مانع.. تهدي كل شيء بنا.. 

باعذارك..

تقولي ابعد... ومش عايزاك.. 

ودا قرارك..

لكن ارجوك سمحيني... 

اقولك حاجة جراحني... 

انا صنتك وبعتني.. 

دي اكتر حاجة ظلماني... 

....

مفيش مانع ودا العادي.. 

تكوني ديما القاضي.. 

انا بحكمك انا راضي... 

خلاص الوقت عدي وفات.. 

...

مفيش مانع تجيني تقولي.. 

مش عايزة حياتي معاك... 

... 

مفيش مانع.. اعيش العمر من غيرك... 

اكون ماضي.. اكون ذكرى في تفكيرك... 

اعيش او اموت مع الايام.. 

اروح اجري ورا الاوهام.. 

اتاري الحب م الاحلام... 

عرفت فيها تفاصيلك... 

....

تقولي امشي ومش عايزاك

تقولي ابعد خلاص هنساك

ودا العادي

تكوني ديما القاضي

انا بحكمك انا راضي

خلاص الوقت عدي وفات

مفيش مانع

تيجني تقولي مش حياتي معاك.. 

...

ايمن شتا