يا خسارة
يا خسارة وحيف
شو درب المحبة
ضاع وأنباكت اشعارة
ياخسارة
بس كشر ظل العشك
والروح ماتت حسرة
تنعاها الجكارة
يبست جروف المودة
والحلم ودع اسراره
تاهت دروب الوداد
شيحجي لو يبدي اعتذاره
غدى حتى الطيف يكذب
ما صدك مرة بقراره
ولو يمر بينا خيال
زايف ومابي عباره
اختلطت ألوان الجفافي
والخبز ضيع سماره
بلا وداع الدنيا طشت
والصدك مذبوح
مبيوع أعتباره
يا خسارة
الناس خربت
تاجرت حتى بعواطفها
ومشت درب التجارة
عافو محطات الوفا
وكلمن مشا يدور قطاره
ضيعو درب المحنة
بليل مظلم ما عرف
يستر نهاره
دروبنا تاهت علينا
وصعبة لو منا الدرب
ضيع اخباره
ياخسارة
عبد الكناني
الخميس ٩ /٦ / ٢٠٢٢
ليست هناك تعليقات:
إرسال تعليق