ياحسافة
ياحسافة جنت أظنك
عنبر وريحة ودادك
لغير شخصي ما سمتها
يا حسافة أيام من عمري
بودادك بعثرتها
بلا ثمن وياك للماضي بعتها
ضاعت أيامي بعشرتك
وياما بالغالي صنتها
بغيرة العاشك
غفت وياك روحي وعذبتها
جنت أحسبك نبع صافي
خيوط من ماي الذهب
صغتك جفافي وشككتها
بيك غرتني المعاني
وغرني ناعمها
بعجل من غربلتها
كدر عاث بروحي
من روحك حبيبي
من بعد ما دللتها
نكطة نكطة نكطتلك
روحي كلها اوشلتها
وشلت روحي بنزيزة
وما حسبت حساب كاعك
جنت اظن الزرع عنبر
مادريت الشتل بردي
غشني ملفوف بحظنها
وما شفتها
ياحسافة وكلي شتفيد الوسافة
لمثلك انت لو كلتها
عبد الكناني
الجمعة ٢ /٦ / ٢٠٢٣
ليست هناك تعليقات:
إرسال تعليق