الضحكة
شو حلوه ضحكتك أمانة ضلي ضحكي
ضحكتك لحالا بتغني عن كوشة حكي
أحلى من الحلا طفولة وبراءة ودلال
ياغصن البان من ضحكتك غار الليلكي
سبحان الله شو عطاك حسن وجمال
بتضحك عيوني لما بسمعك عم تضحكي
ضحكتك سحر غريبة مافي متلا محال
بتفرح دقات قلبي وعلى مبسمك بترتكي
عالم تاني ضحكتك وبضلا عالقة بالبال
طلي ياحلوة الحلوات وقبالي لا تتلبكي
هديني شوية حنان بضحكتك أمان وآمال
خليني إنسى سنين الهم وسنين البكي
بدي حبك وتحبيني ومايهمك القيل والقال
أمانة عليك ضلي ضحكي ضلي ضحكي
الشاعر
حسين عطاالله حيدر
سورية
ليست هناك تعليقات:
إرسال تعليق