همسات شعرية
قصيدة بالعامية
ألف رحمة ونور عليك
صاحب دكان السعادة
كان زمان دكانه حُقه
فيه الخير قول ألف حاجة
أشتري حاجات كتيرة
والفلوس ملهاش عازه
بخمسة صاغ اشخط وأأمر
كأني بنك فاتح ذراعة
قالي صاحبه يا ألف مرحب
عايزه أيه هاتي البشارة
قولت عايزه حاجات وعايزه
يالا عد وأكتب ما فاتك
هاتلى كيس فشار كبير
والمصاصة منها تلاتة
نص رومي ونص أبيض
وحبتين فنضام الاجة
وحط توفي ولبان مشكل
والبنبوني قول كبشه وزيادة
عايزه مسحوق يغسل هدومنا
وتمن زهرة لقميصي سادة
أوعي تنسى أحمر شفايف
عايزه بودرة تطلي السعادة
و أبرتين لوبورنا صدا
يسلكوا نفس الحرارة
عندي من الفلوس أعداد كتير
اوعي تحسب احنا غلابة
الجنية ابو مادنه شامخ
أعلى ما في الكون ياسادة
قلبي جامد ودماغي عالية
أمشي بين الناس بهامة
أشتري كل الي عايزه
حتى لو من الهند جانا
حط لوز وفسدق ونوجة
لفلي الأصناف بحاجة
وأوعى تنسي بوزو شقاوة
خليني اتسلى برواقة
بقلمي/عاطف محفوظ
ليست هناك تعليقات:
إرسال تعليق