#اخرالصف
#كلمات_ايمن_شتا
اخترتي تكوني كتاب عالرف
وقت اما يعوزك يلقاكي
وبقيتي خلاص كدا اخر الصف
ومجرد وقت وينساكي
فرطتي في حبك بزيادة
واديتي مشاعرك للجاهل
ورجعتي حزينة وكالعادة
ماهو قلبك فعلا يستاهل
كم مرة اذاكي بأفعاله
كم مرة سامحتي وحنيتي
كم مرة يخونك في مشاعرك
وتقولي خلاص بس رضيتي
دلوقتي بتبكي ومجروحة
وبقيتي خلاص انتي ضحية
سلمتي وقولتي انا هتعود
وبجد عملت اللي عليا
دا مجرد وقت وينساكي
واهو ركنك جمبه هناك عالرف
وقت اما يعوزك يلقاكي
وبقيتي خلاص كدا اخر الصف
...
ايمن شتا
ليست هناك تعليقات:
إرسال تعليق