------ يا واقفة على الباب ------
يا واقفة على الباب
سحرني زينك
سألتك بالله...
هبّط عينك
سألتك بالله
هبّط عينك
...........................
عيونك هبّط
أنا كبير...
وللعلا نتشعبط
وكيف ما حلِّيت عُقد
أنت تُربط
قلبي نزف...
مجروح بسكاكينك
سألتك بالله...
هبّط عينك
.........................
ما تنظري في عيوني
وما تزيدي عَلَي
محون...فوق محوني
أنا كبير
وما عملت الدّوني
وحتى تهوّرت
خلِّيه بيني وبينك
سألتك بالله
هبّط عينك...
...........................
ما قدرت ننظر فيهم
ونتبادل معاك النّظر
ونحاكيهم
عيوني حسّاسة
والخجل كاسيهم
أيام كنت طليق
أنت وينك...!
سألتك بالله
هبّط عينك
..........................
يا واقفة على الباب
سحرني زينك
سألتك بالله...
هبّط عينك
سألتك بالله
هبّط عينك
الهادي عباس- تونس
ليست هناك تعليقات:
إرسال تعليق