وليه نبعد
بقلم ماجدة البهيدي
★★★★★★★★
يا سايب قلبي في حرمان
وقلبك عادي بيغني
وليه تنسى ليالي زمان
وتتهنى بعيد عني
تعال بسرعة بندهلك
واوعاك تيجي على مهلك
أنا العمر اللي ضيعته
علشان لحظة اكون جمبك
ياليل قوله على حالي
وبعده ايه جراه لقلبي
وليه الدمع يحلالي
ومهما حاولت واخبي
مشاعري تملي سبقاني
ولو مرة داريت حبي
ونظرة عيني فضحاني
تقولك كون هنا جمبي
تعال نعيش وننسى الجرح
أنا بعدك مشفتش فرح
وليه نبعد وليه نعاني
تعال نحب من تاني
16/10/2023
بقلم
:
#ماجدة_البهيدي
:
ليست هناك تعليقات:
إرسال تعليق