على الهامش
بقلم ماجدة البهيدي
★★★★★★★★
واخرتها معاك يا زمان
مش قادر على الأحزان
عايز مني ايه تاني
وليه جاي على الغلبان
بقيت حاسس منيش عايش
ومن جوه بقيت بايش
وليه احلامي مرفوضة
بقيت انسان على الهامش
انا المغلوب على أمري
انا المظلوم وطول عمري
بعافر وبرضه مش طايل
ومش مالك زمام امري
واهو بعدي واقول معليش
والقي القلب اصبح هش
انا اللي مشاعري مخنوقة
وضيعة وسط كومة قش
انا المطحون وده الواجب
م تعلا العين فوق الحاجب
ليه كل حاجه بالمقلوب
ومهما اعمل ومش عاجب
22/10/2023
:
#ماجدة_البهيدي
:
ليست هناك تعليقات:
إرسال تعليق